എംഎസ് ധോണിയുടെ നായകത്വത്തിന് കീഴിൽ ഒരു ടീം ഇറങ്ങുമ്പോൾ എപ്പോഴും വിജയ സാധ്യതയുണ്ട് എന്ന് മൊയീൻ അലി. അത്ര ശക്തരല്ലെങ്കിലും വിജയിക്കാനുള്ള അവസരം ധോണി നയിക്കുമ്പോൾ ഉണ്ടാകും എന്ന് ഇംഗ്ലീഷ് താരൻ മൊയിൻ അലി പറഞ്ഞു.
ധോണിയുടെ ക്യാപ്റ്റൻസിയിൽ രണ്ട് തവണ ഐപിഎൽ നേടാൻ മോയിൻ അലിക്കായിട്ടുണ്ട്.
“ധോണി ഒരു സ്പെഷ്യൽ കളിക്കാരനും സ്പെഷ്യൽ ക്യാപ്റ്റനുമാണെന്ന് എല്ലാവർക്കും അറിയാം. അവൻ വളരെ നല്ല വ്യക്തിയാണ്. ഞാൻ മൂന്ന് സീസണുകൾ കളിച്ചിട്ടുണ്ട്, പക്ഷേ അവൻ എന്ത് സ്ട്രാറ്റചി ആണ് കൊണ്ടുവരിക എന്ന് എനിക്കറിയില്ല.” മോയിൻ പറഞ്ഞു.
“ധോണി ക്യാപ്റ്റനായി നിങ്ങൾ CSKയിൽ കളിക്കുമ്പോൾ, ടീം ദുർബലമായാലും ശക്തമാണെങ്കിലും, നിങ്ങൾക്ക് എല്ലായ്പ്പോഴും വിജയിക്കാനുള്ള അവസരമുണ്ട്,” മോയിൻ പറഞ്ഞു.
