ചെന്നൈ സൂപ്പർ കിംഗ്സ് ക്യാപ്റ്റൻ മഹേന്ദ്ര സിംഗ് ധോണിക്ക് അടുത്ത വർഷം ഇന്ത്യൻ പ്രീമിയർ ലീഗിൽ കളിക്കാം എന്ന് ഓൾ റൗണ്ടർ മൊയീൻ അലി. ഇന്ന് റോയൽ ചലഞ്ചേഴ്സ് ബാംഗ്ലൂരിനെതിരായ ടീമിന്റെ മത്സരത്തിന് മുന്നോടിയായി 41 വയസ്സായിട്ടും ഐപിഎലിൽ ധോണി നന്നായി കളിക്കുന്നതിൽ അതിശയം ഇല്ലെന്നും മൊയീൻ പറഞ്ഞു.
“അദ്ദേഹത്തിന് തീർച്ചയായും അടുത്ത വർഷം വീണ്ടും ഐ പി എല്ലിൽ കളിക്കാൻ കഴിയും. അവൻ കളിക്കുന്ന രീതി, രണ്ടോ മൂന്നോ വർഷം പോലും കളിക്കുന്നതിൽ നിന്ന് അവനെ തടയില്ല”- മൊയീൻ അലി പറഞ്ഞു.
ധോണിയുടെ മികവിൽ ഞാൻ അത്ഭുതപ്പെടുന്നില്ല. ഞാൻ അദ്ദേഹത്തെ നെറ്റ്സിൽ കാണുന്നതാണ്. അവിടെ അദ്ദേഹം ഷോട്ടുകൾ അനായാസമാണ് കളിക്കുന്നത്. അവസാനം ഇറങ്ങി ഇങ്ങനെ നന്നായി കളിക്കുക എളുപ്പമല്ല എന്നും ധോണിയുടെ ഈ സീസണിലെ പ്രകടനങ്ങളെ കുറിച്ച് മൊയീൻ പറഞ്ഞു.
