ലഖ്നൗ സൂപ്പർ ജയന്റ്സിന്റെ പേസ് ബൗളർ മായങ്ക് യാദവ് തിരികെയെത്തി. താരത്തിന്റെ പരിക്ക് മാറി. താരം ഇന്നലെ മുതൽ ടീമിനൊപ്പം പരിശീലനം ആരംഭിച്ചിട്ടുണ്ട്. അടുത്ത മത്സരം മുതൽ എൽ എസ് ജി ടീമിൽ മായങ്ക് ഉണ്ടാകും. ഗുജറാത്തിന് എതിരായ മത്സരത്തിൽ മായങ്കിന് പരിക്കേറ്റതിനാൽ ഡിസിക്കും കെകെആറിനുമെതിരായ മത്സരങ്ങൾ താരത്തിന് നഷ്ടമായിരുന്നു.
മായങ്ക് പരിശീലനത്തിൽ തിരിച്ചെത്തുന്നതിൻ്റെ വീഡിയോ എൽഎസ്ജി പങ്കുവെച്ചു. മായങ്ക് ഇതുവരെ 3 മത്സരങ്ങളിൽ നിന്ന് 6 വിക്കറ്റ് നേടിയിട്ടുണ്ട്. ഏപ്രിൽ 19ന് സി എസ് കെയ്ക്ക് എതിരെ ആണ് ലഖ്നൗവിന്റെ അടുത്ത മത്സരം. ഈ സീസണിൽ 156.7 എന്ന സ്പീഡിൽ പന്തെറിഞ്ഞ് ഏവരെയും ഞെട്ടിക്കാൻ മായങ്കിനായിരുന്നു.
