മയാംഗ് അഗര്‍വാളിന്റെ ഡല്‍ഹി ക്യാപിറ്റല്‍സിനെതിരെയുള്ള ഇന്നിംഗ്സ് അവിശ്വസീനമായ ഒന്നായിരുന്നുവെന്ന് പറഞ്ഞ് ടീം ക്യാപ്റ്റന്‍ ലോകേഷ് രാഹുല്‍. ഒരു ഘട്ടത്തില്‍ മത്സരം കൈവിട്ട പഞ്ചാബിനെ ഇത്രയും അടുത്തെത്തിച്ചത് മാന്ത്രിക പ്രകടനമെന്ന് വേണം വിശേഷിപ്പിക്കുവാനെന്നും ലോകേഷ് രാഹുല്‍ അഭിപ്രായപ്പെട്ടു.
മയാംഗ് ഏറെ കാലമായി ടെസ്റ്റിലും മികച്ച പ്രകടനം പുറത്തെടുക്കുകയാണെന്നും വന്‍ തകര്‍ച്ചയില്‍ നിന്ന് വിജയത്തിന് അടുത്ത് വരെ എത്തിയത് ടീമിന്റെ ആത്മവിശ്വാസം ഉയര്‍ത്തുമെന്നും രാഹുല്‍ പറഞ്ഞു. 55/5 എന്ന നിലയിലും ടീം പോസിറ്റീവ് ചിന്തകളുമായി തന്നെയാണ് നിന്നതെന്നും തങ്ങളുടെ പദ്ധതികള്‍ നടപ്പിലാക്കുവാന്‍ മത്സരത്തില്‍ ശ്രമിച്ചുവെങ്കിലും ചില തെറ്റുകള്‍ സംഭവിച്ചുവെന്നും ലോകേഷ് രാഹുല്‍ വ്യക്തമാക്കി.
