ചെന്നൈ സൂപ്പർ കിംഗ്‌സ് (സിഎസ്‌കെ) തങ്ങളുടെ നിലനിർത്തിയ കളിക്കാരുടെ പട്ടിക സ്ഥിരീകരിച്ചു. സിഎസ്‌കെ അവരുടെ ഐക്കണിക് ലീഡർ എംഎസ് ധോണിയെ മറ്റൊരു സീസണിലേക്ക് നിലനിർത്തി. ധോണിയ്‌ക്കൊപ്പം, റുതുരാജ് ഗെയ്‌ക്‌വാദ്, രവീന്ദ്ര ജഡേജ, മതീശ പതിരണ, ശിവം ദുബെ തുടങ്ങിയ പ്രധാന കളിക്കാരെയും അവർ നിലനിർത്തി.
സിഎസ്‌കെയുടെ നിലനിർത്തിയ പട്ടികയിൽ ഒന്നാമത് ഐപിഎല്ലിലെ ഏറ്റവും മികച്ച യുവ ഓപ്പണർമാരിൽ ഒരാളും അവരുടെ ക്യാപ്റ്റനും ആയ റുതുരാജ് ഗെയ്‌ക്‌വാദാണ്, 18 കോടി രൂപയ്ക്ക് ആണ് അദ്ദേഹത്തെ ടീം നിലനിർത്തിയത്.
സിഎസ്‌കെയുടെ സമീപകാല വിജയങ്ങളിൽ നിർണായക പങ്കുവഹിച്ച രവീന്ദ്ര ജഡേജയും അദ്ദേഹത്തോടൊപ്പം ചേരുന്നു. 18 കോടി ആണ് ജഡേജക്ക് നൽകിയത്. ശ്രീലങ്കയുടെ യുവ പേസർ മതീശ പതിരണയും 13 കോടിക്ക് നിലനിർത്തി.
12 കോടിയുമായി ശിവം ദുബെയാണ് നിലനിർത്തൽ പട്ടികയിലെ മറ്റൊരു പ്രധാന താരം. സിഎസ്‌കെയ്‌ക്കായി ബൗണ്ടറികൾ ക്ലിയർ ചെയ്യാനും ഗെയിമുകൾ ഫിനിഷ് ചെയ്യാനും കഴിവുള്ള ദൂബെ കഴിഞ്ഞ സീസണിൽ അസാധ്യ ഫോമിൽ ആയിരുന്നു.
ലോകമെമ്പാടുമുള്ള ആരാധകരെ ആവേശം കൊള്ളിക്കുന്നത് എംഎസ് ധോണി തുടരുന്നത് ആകും. 4 കോടിക്ക് ആണ് അദ്ദേഹത്തെ നിലനിർത്തിയത്.
