ഐപിഎൽ 2024ൽ ലക്നൗ സൂപ്പര്‍ ജയന്റ്സിനെ കളി പഠിപ്പിക്കാനായി ലാന്‍സ് ക്ലൂസ്നര്‍ എത്തുന്നു. മുന്‍ ദക്ഷിണാഫ്രിക്കന്‍ ഓള്‍റൗണ്ടര്‍ സഹ പരിശീലകനായി ജസ്റ്റിന്‍ ലാംഗറിന്റെ കോച്ചിംഗ് സംഘത്തിലേക്ക് എത്തും.
ദക്ഷിണാഫ്രിക്കയലെ എസ്എ20യിൽ എൽഎസ്ജിയുടെ ഉടമസ്ഥതയിലുള്ള ഡര്‍ബന്‍ സൂപ്പര്‍ ജയന്റ്സിന്റെ മുഖ്യ പരിശീലകനായിരുന്നു ക്ലൂസ്നര്‍. ഐപിഎലില്‍ മുംബൈ ഇന്ത്യന്‍സ്, ഡൽഹി ക്യാപിറ്റൽസ് എന്നിവരുടെ കോച്ചിംഗ് സംഘത്തിൽ ഭാഗമായിട്ടുള്ളയാളാണ് ലാന്‍സ് ക്ലൂസ്നര്‍.
അന്താരാഷ്ട്ര തലത്തിൽ അഫ്ഗാനിസ്ഥാന്റെ മുഖ്യ കോച്ചായിരുന്ന അദ്ദേഹം സിംബാബ്‍വേയുടെയും ദക്ഷിണാഫ്രിക്കയുടെയും കോച്ചിംഗ് സംഘത്തിലുണ്ടായിരുന്നു.
