ഇന്ത്യൻ പ്രീമിയർ ലീഗിൽ (ഐ‌പി‌എൽ) 2023 ലെ പഞ്ചാബ് കിംഗ്‌സിന്റെ ഓപ്പണിംഗ് മത്സരത്ത ഇംഗ്ലണ്ട് ബാറ്റർ ലിയാം ലിവിംഗ്‌സ്റ്റൺ ഉണ്ടാകില്ല. ഇംഗ്ലണ്ട് ക്രിക്കറ്റ് ബോർഡിൽ നിന്ന് ഇതുവരെ താരത്തിന് എൻ ഒ സി ലഭിച്ചിട്ടില്ല. കാൽമുട്ടിനേറ്റ പരിക്കിൽ നിന്ന് ഇപ്പോഴും താരം മോചിതനാകാത്തതാണ് വരവ് നീളാൻ കാരണം.
2023ലെ ഐ‌പി‌എൽ മുഴുവൻ ഇംഗ്ലണ്ട് ബാറ്റ്‌സ്മാൻ ജോണി ബെയർ‌സ്റ്റോ പുറത്തായി ദിവസങ്ങൾക്ക് ശേഷമാണ് ഈ വാർത്ത വരുന്നത്. ഏപ്രിൽ ഒന്നിന് കൊൽക്കത്ത നൈറ്റ് റൈഡേഴ്സിനെതിരെ ആണ് പഞ്ചാബിന്റെ ആദ്യ മത്സരം. ആ മത്സരത്തിൽ പഞ്ചാബ് കിംഗ്‌സിന് അവരുടെ പേസർ കഗിസോ റബാഡയുടെ സേവനവും നഷ്ടമാകും. വെസ്റ്റ് ഇൻഡീസിനെതിരായ മത്സരം കഴിഞ്ഞ് ഏപ്രിൽ 3 ന് മാത്രമേ ഫാസ്റ്റ് ബൗളർ ഇന്ത്യയിൽ എത്തുകയുള്ളൂ.
