മുൻ ദക്ഷിണാഫ്രിക്കൻ ഓൾറൗണ്ടർ ലാൻസ് ക്ലുസെനർ ലഖ്നൗ സൂപ്പർ ജയൻ്റ്സിൽ അസിസ്റ്റൻ്റ് കോച്ചായി നിയമിക്കപ്പെട്ടു. എക്കാലത്തെയും മികച്ച ദക്ഷിണാഫ്രിക്കൻ ഓൾറൗണ്ടർമാരിൽ ഒരാളായ ക്ലുസനർ ഓസ്ട്രേലിയയുടെ ജസ്റ്റിൻ ലാംഗറുടെ സഹപരിശീലകനായാകും പ്രവർത്തിക്കുക.
1999 ക്രിക്കറ്റ് ലോകകപ്പിലെ പ്ലെയർ ഓഫ് ദി സീരീസായ ക്ലൂസ്നർ ഒരു കാലത്ത് ക്രിക്കറ്റ് പ്രേമികളുടെ പ്രിയപ്പെട്ട താരമായിരുന്നു. 1999ലെ ലോകകപ്പിൽ 281 റൺസും 17 വിക്കറ്റും നേടാൻ അദ്ദേഹത്തിനായിരുന്നു. ക്ലൂസെനർ അഫ്ഗാനിസ്ഥാൻ ദേശീയ ക്രിക്കറ്റ് ടീമിനൊപ്പവും ലോകമെമ്പാടുമുള്ള വിവിധ ആഭ്യന്തര, ടി20 ലീഗ് ടീമുകൾക്ക് ഒപ്പവും പരിശീലകനായി പ്രവർത്തിച്ചിട്ടുണ്ട്.
