ഐപിഎൽ 2025 ലേലത്തിൽ വിക്കറ്റ് കീപ്പർ-ബാറ്റർ ഇഷാൻ കിഷൻ 11.25 കോടി രൂപയ്ക്ക് സൺറൈസേഴ്സ് ഹൈദരാബാദിൽ ചേർന്നു. 105 ഐപിഎൽ മത്സരങ്ങളിൽ നിന്ന് 2644 റൺസുമായി ഇടംകയ്യൻ, എസ്ആർഎച്ചിൻ്റെ ബാറ്റിംഗ് യൂണിറ്റിന് കരുത്താകും. കഴിഞ്ഞ സീസണിൽ, 2018 മുതൽ അദ്ദേഹം പ്രതിനിധീകരിച്ച ഫ്രാഞ്ചൈസിയായ മുംബൈ ഇന്ത്യൻസിന് വേണ്ടി 320 റൺസ് നേടിയിരുന്നു.
മുംബൈ ഇന്ത്യൻസ്, പഞ്ചാബ് കിംഗ്സ്, ഡൽഹി ക്യാപിറ്റൽസ് എന്നിവരുമായുള്ള കടുത്ത ലേല യുദ്ധത്തിന് ശേഷം SRH കിഷനെ സ്വന്തമാക്കുക ആയിരുന്നു. ഇന്ത്യക്ക് വേണ്ടി 32 ടി20 മത്സരങ്ങളിൽ നിന്ന് 796 റൺസ് നേടിയ കിഷൻ, SRH ലൈനപ്പിലേക്ക് അനുഭവസമ്പത്തും ഫയർ പവറും കൊണ്ടുവരുന്നു.
