ഐപിഎലിന്റെ അവശേഷിക്കുന്ന മത്സരങ്ങള്‍ സെപ്റ്റംബറിലാണ് നടക്കുന്നതെങ്കില്‍ ഓസ്ട്രേലിയയുടെയും വിന്‍ഡീസിന്റെയും താരങ്ങള്‍ ടൂര്‍ണ്ണമെന്റില്‍ പങ്കെടുക്കുമെന്ന് സൂചന. ഈ രണ്ട് രാജ്യങ്ങള്‍ ഒഴികെ മറ്റ് പ്രധാന രാജ്യങ്ങള്‍ക്കെല്ലാം സെപ്റ്റംബര്‍ മാസത്തില്‍ അന്താരാഷ്ട്ര മത്സരങ്ങളുണ്ട്.
17 ഓസ്ട്രേലിയന്‍ താരങ്ങളും പത്തോളം വിന്‍ഡീസ് താരങ്ങളുമാണ് പല ഫ്രാഞ്ചൈസികളിലുമായി ഐപിഎലില്‍ കളിക്കുന്നത്. ഇംഗ്ലണ്ട്, ന്യൂസിലാണ്ട് താരങ്ങള്‍ ഏറെക്കുറെ ഐപിഎലിന് ഉണ്ടാകില്ലെന്നാണ് ഇപ്പോള്‍ അറിയുന്നത്.
