ലോകത്ത് വിവിധ രാജ്യങ്ങളിലായി നടക്കുന്ന വിവിധ ലീഗുകളെക്കാള്‍ ഏറ്റവും മികച്ചത് ഐപിഎല്‍ എന്ന് വിരേന്ദര്‍ സേവാഗ്. ഐപിഎലില്‍ കളിക്കുവാന്‍ ആഗ്രഹിക്കുന്ന താരങ്ങളുടെ പട്ടിക എടുത്താല്‍ തന്നെ ലീഗ് എത്ര പ്രിയങ്കരമാണെന്ന് അറിയാം. രാജ്യാന്തര താരങ്ങളും പ്രാദേശിക താരങ്ങളും ഒരു പോലെ കളിക്കുവാന്‍ ഉറ്റു നോക്കുന്ന ലീഗ് ആണ് ഐപിഎല്‍. കാരണം ലോകത്തെ മികച്ച താരങ്ങള്‍ നിലവില്‍ തന്നെ ഈ ലീഗിന്റെ ഭാഗമാണ്. അവര്‍ക്കൊപ്പം കളിക്കുവാന്‍ ആഗ്രഹവുമായാണ് മറ്റു താരങ്ങളും ഐപിഎല്‍ അവസരത്തിനായി ഉറ്റുനോക്കുന്നത്.
മറ്റു രാജ്യങ്ങളില്‍ നിന്നുള്ള അണ്‍-കാപ്പ്ഡ് താരങ്ങള്‍ക്ക് പോലും ഐപിഎല്‍ എന്നാല്‍ സ്വപ്നമാണ്. ഇന്ത്യന്‍ താരങ്ങളാരും തന്നെ മറ്റു ലീഗുകളില്‍ കളിക്കുന്നില്ല. അതും ഐപിഎലിനെ വ്യത്യസ്തരാക്കുന്നു. എന്നാല്‍ എല്ലാ രാജ്യങ്ങളിലും നിന്നും ഐപിഎല്‍ കളിക്കാന്‍ താരങ്ങള്‍ എത്തുന്നു എന്നും സേവാഗ് പറഞ്ഞു.
ലോകോത്തര താരങ്ങള്‍ കളിക്കാനാഗ്രഹിക്കുന്ന ലോകോത്തര ലീഗാണ് ഐപിഎല്‍ എന്നതിനു യാതൊരു സംശയവുമില്ല എന്ന് സേവാഗ് കൂട്ടിചേര്‍ത്തു.
കൂടുതൽ കായിക വാർത്തകൾക്ക് : www.facebook.com/FanportOfficial
