ഇന്ന് ഇറങ്ങിയ പന്ത്രണ്ടു പേരാകും മുംബൈ ഇന്ത്യൻസിന്റെ ഇനി അങ്ങോട്ടുള്ള മെയിൻ ടീം എന്ന് ക്യാപ്റ്റൻ ഹാർദിക് പാണ്ഡ്യ. ഇന്ന് ഡെൽഹിക്ക് എതിരായ വിജയത്തിനു ശേഷം സംസാരിക്കുക ആയിരുന്നു ഹാർദിക് പാണ്ഡ്യ. അവരുടെ ഈ സീസണിലെ ആദ്യ വിജയമായിരുന്നു ഇത്.
ഞങ്ങൾ ചില മാറ്റങ്ങൾ അവിടെയും ഇവിടെയുമായി വരുത്തും, എന്നാൽ ഈ 12 പേർ ആയിരിക്കും ഞങ്ങളുടെ മെയിൻ ടീം, ഇപ്പോൾ ഞങ്ങളുടെ ടീമിനെ സ്ഥിരപ്പെടുത്തുന്നത് പ്രധാനമാണ്. ഹാർദിക് പാണ്ഡ്യ പറഞ്ഞു.
പരസ്പര വിശ്വാസവും പിന്തുണയുമാണ് ഞങ്ങളുടെ ശക്തി. ഒരു വിജയം മാത്രം മതി എല്ലാം ശരിയാകാം എന്ന് എല്ലാവരും വിശ്വസിച്ചു. ഇന്നത്തെ തുടക്കം അതിശയിപ്പിക്കുന്നതായിരുന്നു, 6 ഓവറിൽ 70 നേടുന്നത് എല്ലായ്പ്പോഴും അതിശയകരമാണ്. ഹാർദിക് പറഞ്ഞു
“റൊമാരിയോയുടെ പ്രകടനവും അത്ഭുതകരമായിരുന്നു.അവൻ ഞങ്ങളെ കളി ജയിപ്പിച്ചു. റൊമാരിയോ ആയിരുന്നു ഡൽഹി ക്യാപിറ്റൽസുമായുള്ള മത്സരത്തിലെ വ്യത്യാസം.” ഹാർദിക് പറഞ്ഞു.
