രാജസ്ഥാന്‍ റോയൽസിനെ നാണംകെടുത്തി ഗുജറാത്ത് ടൈറ്റന്‍സ്. 119 റൺസ് വിജയ ലക്ഷ്യം വെറും 13.5 ഓവറിൽ 1 വിക്കറ്റ് നഷ്ടത്തിൽ ആണ് ഗുജറാത്ത് ലക്ഷ്യം കണ്ടത്. ആദ്യ വിക്കറ്റിൽ സാഹ – ഗിൽ കൂട്ടുകെട്ട് 71 റൺസ് നേടിയപ്പോള്‍ പിന്നീടെത്തിയ ഹാര്‍ദ്ദിക് പാണ്ഡ്യ അതിവേഗത്തിൽ സ്കോര്‍ ചെയ്തപ്പോള്‍ രാജസ്ഥാന്‍ വലിയ വിജയം നേടുകയായിരുന്നു.
പത്താം ഓവറിൽ 36 റൺസ് നേടി ഗില്ലിനെ യൂസുവേന്ദ്ര ചഹാലിന്റെ ബൗളിംഗിൽ സഞ്ജു സാംസൺ സ്റ്റംപ് ചെയ്ത് പുറത്താക്കുമ്പോള്‍ 71 റൺസായിരുന്നു ഒന്നാം വിക്കറ്റിൽ നേടിയത്. രണ്ടാം വിക്കറ്റിൽ 48 റൺസാണ് ഹാര്‍ദ്ദിക് – സാഹ കൂട്ടുകെട്ട് നേടിയത്.
ഹാര്‍ദ്ദിക് 15 പന്തിൽ 39 റൺസ് നേടിയപ്പോള്‍ വൃദ്ധിമന്‍ സാഹ 34 പന്തിൽ 41 റൺസ് നേടി ഹാര്‍ദ്ദിക്കിനൊപ്പം പുറത്താകാതെ നിന്നു.
