ഐപിഎൽ 2025 ലേലത്തിൽ ഇന്ത്യൻ പേസർ ദീപക് ചാഹറിനെ മുംബൈ ഇന്ത്യൻസ് ₹ 9.25 കോടിക്ക് സ്വന്തമാക്കി. അദ്ദേഹത്തിൻ്റെ അടിസ്ഥാന വിലയായ 2 കോടിയിൽ നിന്ന് ഗണ്യമായ വർദ്ധനവ് ലേലത്തിൽ ഉണ്ടായി. 81 ഐപിഎൽ മത്സരങ്ങളിൽ നിന്ന് 77 വിക്കറ്റും, ഇന്ത്യക്ക് ആയി 25 ടി20 മത്സരങ്ങളിൽ നിന്ന് 31 വിക്കറ്റും നേടിയ ചാഹർ ലീഗിലെ മികച്ച പേസർമാരിൽ ഒരാളാണ്.
2018 മുതൽ ചെന്നൈ സൂപ്പർ കിംഗ്‌സിൻ്റെ പ്രധാന കളിക്കാരനും 2011-12 ലെ മുൻ രാജസ്ഥാൻ റോയൽസ് കളിക്കാരനുമായ ചാഹറിനെ ഗുജറാത്ത്, പഞ്ചാബ് കിംഗ്സ്, ചെന്നൈ സൂപ്പർ കിംഗ്സ് എന്നിവയുൾപ്പെടെ നിരവധി ടീമുകൾ പിന്തുടർന്നു. ആത്യന്തികമായി, മുംബൈ വരാനിരിക്കുന്ന സീസണിലേക്ക് അദ്ദേഹത്തെ സ്വന്തമാക്കി.
