ഇന്നലെ വീണ്ടും ഡക്കിൽ പുറത്ത് പോയ രോഹിത് ശർമ്മയെ രൂക്ഷമായി വിമർശിച്ച് സുനിൽ ഗവാസ്കർ. അവൻ കളിയിൽ ഉണ്ട് എന്ന് തോന്നുന്നില്ല എന്ന് ഗവാസ്കർ പറഞ്ഞു. ഇന്നലെ ഔട്ട് ആയ ഷോട്ട് ഒരു ക്യാപ്റ്റൻ കളിക്കുന്ന ഷോട്ട് അല്ല എന്നുൻ ഗവാസ്കർ പറഞ്ഞു.
“അദ്ദേഹം കളിച്ച ഷോട്ട് ക്യാപ്റ്റന്റെ ഷോട്ട് ആയിരുന്നില്ല. ടീം കുഴപ്പത്തിലാണെന്ന് അറിഞ്ഞാൽ ഒരു ക്യാപ്റ്റൻ ഇന്നിംഗ്‌സ് നന്നാക്കുകയും മാന്യമായ രീതിയിൽ കളിക്കുകയും ടീമിനെ മികച്ച ടോട്ടലിൽ എത്തിക്കുകയും ചെയ്യും. എന്നാൽ അതല്ല നടന്നത്. പവർ-പ്ലേയിൽ രണ്ട് വിക്കറ്റുകൾ പോയി, നിങ്ങൾ ഫോമിലല്ല എന്ന് തിരിച്ചറിയണം,” ഗാവസ്‌കർ സ്റ്റാർ സ്‌പോർട്‌സിനോട് പറഞ്ഞു.
ഐപിഎല്ലിൽ ഏറ്റവും കൂടുതൽ ഡക്ക് (16) എന്ന റെക്കോർഡും ഇന്നലെ രോഹിത് സ്വന്തമാക്കിയിരുന്നു. തന്റെ അവസാന നാല് ഇന്നിംഗ്‌സുകളിലെ അദ്ദേഹത്തിന്റെ സ്‌കോർ 2, 3, 0, 0 എന്നിങ്ങനെ ആണ്.
“ഒരു ചെറിയ ഇടവേള രോഹിതിന് നല്ലതാക്കിയേക്കാം. അദ്ദേഹത്തിനും മുംബൈ ടീം മാനേജ്‌മെന്റിനും ഈ കാര്യത്തിൽ തീരുമാനം എടുക്കാം” അദ്ദേഹം കൂട്ടിച്ചേർത്തു.
