ലിയാം ലിവിംഗ്സ്റ്റണിന്റെ ഒറ്റയാള് പ്രകടനം മറികടന്ന് നേരത്തെ തന്നെ പുറത്തായ ഡൽഹി ക്യാപിറ്റൽസ് വിജയം കുറിച്ചപ്പോള് വലിയ തിരിച്ചടി നേരിട്ടത് പഞ്ചാബ് കിംഗ്സിന്റെ പ്ലേ ഓഫ് സാധ്യകള്ക്കായിരുന്നു. അടുത്ത കളി ജയിച്ചാലും പ്ലേ ഓഫ് ഉറപ്പിക്കുവാന് ടീമിന് സാധിക്കുമോ എന്നത് ഉറപ്പല്ലാത്ത കാര്യമായിരിക്കുകയാണ് ഇപ്പോള്.
15 റൺസ് തോൽവി ടീം ഏറ്റുവാങ്ങിയപ്പോള് അതിന്റെ കാരണം രണ്ടാം ഓവറിൽ ടീമിന് ആദ്യ വിക്കറ്റ് നഷ്ടമായതെന്നാണ് ക്യാപ്റ്റന് ശിഖര് ധവാന് പറയുന്നത്. ആദ്യ ഓവര് മെയ്ഡന് ആയതും തിരിച്ചടിയായി. ആദ്യ ഓവര് മെയ്ഡന് ആയ ശേഷം രണ്ടാം ഓവറിലെ ആദ്യ പന്തിൽ ശിഖര് ധവാന് പുറത്താകുകയായിരുന്നു.