ധോണി ഐ പി എല്ലിൽ നിന്ന് വിരമിച്ചാൽ CSK ക്യാപ്റ്റൻ ആകാൻ അനുയോജ്യൻ ആണ് റുതുരാജ് ഗെയ്ക്വാദ് എന്ന് മുൻ ഇന്ത്യൻ ക്രിക്കറ്റ് താരം സുരേഷ് റെയ്ന. ഐപിഎൽ 2024 സീസണിൻ്റെ അവസാനത്തിൽ ധോണിയുടെ പകരക്കാരനെ സിഎസ്‌കെ കണ്ടുപിടിക്കും എന്ന് താൻ പ്രതീക്ഷിക്കുന്നു എന്നും റെയ്ന പറഞ്ഞു.
“അവരുടെ അടുത്ത ക്യാപ്റ്റൻ ആരായിരിക്കും എന്നതാണ് ഏറ്റവും വലിയ ചോദ്യം? ധോണി ക്യാപ്റ്റൻ സ്ഥാനത്ത് നിന്ന് മാറിയാലും, അദ്ദേഹം ടീമിനൊപ്പം വ്യത്യസ്ത റോളിൽ ഉണ്ടാകും. എന്നാൽ ചോദ്യം, അവൻ ആരെയാണ് പിൻഗാമി ആക്കാൻ പോകുന്നത് എന്നാണ്” റെയ്ന പറഞ്ഞു.
“റുതുരാജ് ഗെയ്ക്വാദ് ധോണിക്ക് പകരം നല്ലൊരു ഓപ്ഷനാണ്. എംഎസ് ധോണിയെക്കാൾ സിഎസ്‌കെയ്ക്ക് ആണ് ഈ വർഷം വളരെ പ്രധാനപ്പെട്ടത്. കാരണം അദ്ദേഹം ആരെയാണ് ഡെപ്യൂട്ടി ആയി തിരഞ്ഞെടുക്കാൻ പോകുന്നത് എന്ന് നമ്മുക്ക് അറിയാൻ ആകും” റെയ്ന കൂട്ടിച്ചേർത്തു.
