ഐപിഎല്ലിൻ്റെ 2024 സീസണിൽ റോയൽ ചലഞ്ചേഴ്സ് ബെംഗളൂരു (RCB) കിരീടം നേടും എന്ന് മുൻ ആർ സി ബി താരം കൂടിയായ ഡി വില്ലിയേഴ്സ്. പുരുഷ ടീമിന് തങ്ങളുടെ വനിതാ ടീമിൻ്റെ വിജയം ആവർത്തിക്കാനാകുമെന്ന് മുൻ ദക്ഷിണാഫ്രിക്കൻ താരം പറഞ്ഞു. RCB വനിതാ ടീം WPL 2024 കിരീടം നേടിക്കൊണ്ട് ഫ്രാഞ്ചൈസിയുടെ ചരിത്രത്തിലെ ആദ്യ കിരീടം എന്ന നേട്ടത്തിൽ എത്തിയിരുന്നു.
“പെൺകുട്ടികൾ കിരീടം നേടി, ഇപ്പോൾ ആൺകുട്ടികളും അവർക്ക് ഒപ്പം ചേരാൻ പോകുന്നു. ആ നിർഭാഗ്യത്തിന്റെ ചങ്ങലകൾ തകർന്നു; ഈ വർഷമാണ് കാത്തിരുന്ന ആ വർഷം എന്ന് ഞാൻ കരുതുന്നു. അവർക്ക് IPL വിജയിക്കാൻ കഴിയുമെന്ന് ഞാൻ വിശ്വസിക്കുന്നു. ;അവർ ജയിക്കും” ഡി വില്ലിയേഴ്സ് പറഞ്ഞു.
സ്പോർട്സിൽ ഒന്മും പ്രവചിക്കാൻ കഴിയില്ല എന്നും ഡിവില്ലിയേഴ്സ് ന്യൂസ് 18-ൽ പറഞ്ഞു. “ആർസിബി ഒഴികെ മറ്റ് ഒമ്പത് സൂപ്പർസ്റ്റാർ ടീമുകൾ ഉണ്ട്. ഞങ്ങൾ ഞങ്ങളുടെ മികച്ച പ്രകടനം കാഴ്ചവച്ചു. ഞങ്ങൾ ഫൈനലിൽ മൂന്ന് തവണ തോറ്റു.”ഡിവില്ലിയേഴ്സ് കൂട്ടിച്ചേർത്തു.
