ഫ്ലോറിഡയിൽ നടക്കുന്ന നാലാം ടി20യിൽ വെസ്റ്റിൻഡീസിന് ഇന്ത്യക്ക് എതിരെ മികച്ച സ്കോർ. ആദ്യം ബാറ്റു ചെയ്ത വെസ്റ്റിൻഡീസ് 20 ഓവറിൽ 178-8 എന്ന സ്കോർ ഉയർത്തി. 39 പന്തിൽ 61 റൺസുമായി ഹെറ്റ്മയർ ആണ് വെസ്റ്റിൻഡീസിന്റെ ടോപ് സ്കോറർ ആയത്. 4 സിക്സും 3 ഫോറും അടങ്ങുന്നത് ആയിരുന്നു ഹെറ്റ്മയറിന്റെ ഇന്നിംഗ്സ്.
29 പന്തിൽ നിന്ന് 45 റൺസ് എടുത്ത് ഷായ് ഹോപും വെസ്റ്റിൻഡീസിനായി മികച്ചു നിന്നു. മയേർസ് 17, കിങ് 15, ഒഡേൻ സ്മിത്ത് 15 എന്നിവരും ടോട്ടലിനായി പങ്കുവഹിച്ചു. ഇന്ത്യക്ക് ആയി അർഷ്ദീപ് സിങ് 3 വിക്കറ്റും കുൽദീപ് 2 വിക്കറ്റും വീഴ്ത്തി.
അക്സർ, ചാഹൽ, മുകേശ് കുമാർ എന്നിവർ ഒരോ വിക്കറ്റ് വീതവും വീഴ്ത്തി. ഇന്ന് വിജയിച്ചാൽ മാത്രമെ പരമ്പര ഇന്ത്യക്ക് നഷ്ടപ്പെടാതിരിക്കൂ. ഇപ്പോൾ 2-1ന് പിറകിലാണ് ഇന്ത്യ ഉള്ളത്.
