മൂന്നാം ദിവസത്തിന്റെ ആദ്യ സെഷനില് കരുത്ത് കാട്ടി ദക്ഷിണാഫ്രിക്ക. ഇന്ത്യയുടെ മൂന്ന് മുന് നിര വിക്കറ്റുകളാണ് ദക്ഷിണാഫ്രിക്ക ഇന്നത്തെ ആദ്യ സെഷനില് നേടിയത്. 41ാം ഓവറിന്റെ അഞ്ചാം പന്തില് മുരളി വിജയുടെ പ്രതിരോധം റബാഡ ഭേദിച്ചതോടെ ലഞ്ചിനു പിരിയുവാന് അമ്പയര്മാര് തീരുമാനിക്കുകയായിരുന്നു. 100/4 എന്ന നിലയില് ഉച്ച ഭക്ഷണത്തിനു പിരിഞ്ഞ ഇന്ത്യയ്ക്ക് 93 റണ്സിന്റെ ലീഡാണ് കൈവശമുള്ളത്. വിരാട് കോഹ്ലി 27 റണ്സുമായി ക്രീസില് നില്ക്കുന്നു.
49/1 എന്ന നിലയില് ബാറ്റിംഗ് പുനരാരംഭിച്ച ഇന്ത്യയ്ക്ക് ഇരട്ട പ്രഹരമാണ് മൂന്നാം ദിവസത്തെ ആദ്യ ഏതാനും ഓവറുകളില് ദക്ഷിണാഫ്രിക്ക നല്കിയത്. ഫിലാന്ഡര് രാഹുലിനെയും(16) മോര്ക്കല് പുജാരയെയും(1) പുറത്താക്കിയപ്പോള് ഇന്ത്യ 57/3 എന്ന നിലയിലായി. പിന്നീട് വിജയ്-കോഹ്ലി കൂട്ടുകെട്ട് 43 റണ്സ് കൂടി നേടി ആദ്യ സെഷന് അവസാനിപ്പിക്കുമെന്ന് തോന്നിപ്പിച്ച നിമിഷത്തിലാണ് മുരളി വിജയിനെ(25) ഇന്ത്യയ്ക്ക് നഷ്ടമായത്.
കൂടുതൽ കായിക വാർത്തകൾക്ക് : www.facebook.com/FanportOfficial
