ധരംശാലയിൽ നടക്കുന്ന അഞ്ചാം ടെസ്റ്റിന്റെ ആദ്യദിവസം അവസാനിക്കുമ്പോൾ ഇന്ത്യ ശക്തമായ നിലയിൽ. ഇന്ത്യ ഇപ്പോൾ 135/1 എന്ന നിലയിലാണ് ഉള്ളത്. നേരത്തെ ഇന്ത്യ ഇംഗ്ലണ്ടിനെ 218ന് ഓളൗട്ട് ആക്കിയിരുന്നു. അർദ്ധ സെഞ്ച്വറി നേടിയ ജയ്സ്വാളിന്റെ വിക്കറ്റ് ആണ് ഇന്ത്യക്ക് നഷ്ടമായത്.
ഇപ്പോൾ ഇംഗ്ലണ്ടിന് ഇംഗ്ലണ്ടിന് 83 റൺസ് പിറകിലാണ് ഇന്ത്യ ഉള്ളത്. അക്രമിച്ചു കളിച്ച ജയ്സ്വാൾ 57 പന്തിൽ 58 റൺസ് എടുത്തു. മൂന്ന് സിക്സ് അഞ്ച് ഫോറും അടങ്ങുന്നതായിരുന്നു ജയ്സ്വാളിന്റെ ഇന്നിംഗ്സ്. ഇപ്പോൾ 52 റൺസുമായി രോഹിത് ശർമ്മയും 26 റൺസുമായി ശുഭ്മൻ ഗില്ലും ആണ് ക്രീസിൽ ഉള്ളത്.
നേരത്തെ ആദ്യം ബാറ്റു ചെയ്ത ഇംഗ്ലണ്ടിന് ഇന്ത്യൻ സ്പിന്നിനു മുന്നിൽ പിടിച്ചു നിൽക്കാൻ ആയില്ല. കുൽദീപ് യാദവ് 5 വിക്കറ്റും അശ്വിൻ 4 വിക്കറ്റും വീഴ്ത്തി. കുൽദീപ് ധരംശാലയിൽ 5 വിക്കറ്റ് വീഴ്ത്തിയ ആദ്യ ഇന്ത്യൻ സ്പിന്നർ ആയി മാറി.
ഇംഗ്ലണ്ടിനായി സാക് ക്രോളി അർധ സെഞ്ച്വറിയുമായി സാക് ക്രോളി തിളങ്ങി. സാക് ക്രോലിയെയും കുൽദീപ് ആണ് പുറത്താക്കിയത്‌. ക്രോളി 108 പന്തിൽ 79 റൺസുമായാണ് പുറത്തായത്‌. കുൽദീപ് ക്രോളിയെ കൂടാതെ ഡെക്ക്സ്റ്റിനെയും (27) പോപിനെയും (11) സ്റ്റോക്സിനെയും (0) ബെയർ സ്റ്റോയെയും (29) പുറത്താക്കി. ജഡേജ ജോ റൂട്ടിനെയും പുറത്താക്കി. ഹാർട്ലിയെയും മാർക്ക് വുഡിനെയും അശ്വിൻ ആണ് പുറത്താക്കിയത്‌.
ചായക്ക് ശേഷം ബെൻ ഫോക്സിനെയും ആൻഡേഴ്സണെയും വീഴ്ത്തി അശ്വിൻ ഇംഗ്ലണ്ടിന്റെ ഇന്നിംഗ്സ് അവസാനിപ്പിച്ചു.
