ധാക്ക ടെസ്റ്റിൽ സാക്കിര് ഹസന്റെയും ലിറ്റൺ ദാസിന്റെയും ചെറുത്ത്നില്പിനിടയിലും തോൽവി ഒഴിവാക്കുക ബംഗ്ലാദേശിന് ശ്രമകരം. മൂന്നാം ദിവസം ചായയ്ക്കായി പിരിയുമ്പോള് ബംഗ്ലാദേശ് രണ്ടാം ഇന്നിംഗ്സിൽ 195/7 എന്ന നിലയിലാണ്.
58 റൺസുമായി ലിറ്റൺ ദാസും 15 റൺസ് നേടി ടാസ്കിന് അഹമ്മദും ക്രീസിൽ ഉണ്ട്. ഇരുവരും ചേര്ന്ന് എട്ടാം വിക്കറ്റിൽ നേടിയ 36 റൺസാണ് ബംഗ്ലാദേശിനെ നിലവിൽ 108 റൺസിലേക്ക് എത്തിച്ചത്. നേരത്തെ സാക്കിര് ഹസന് 51 റൺസ് നേടി പുറത്തായപ്പോള് നൂറുള് ഹസന് 31 റൺസ് നേടി.
ഇന്ത്യയ്ക്കായി അക്സര് പട്ടേൽ മൂന്ന് വിക്കറ്റ് നേടി.
