ആദ്യ ഇന്നിംഗ്സിൽ 376 റൺസ് നേടിയ ബംഗ്ലാദേശിനെ ഇന്ത്യ തങ്ങളുടെ ടെസ്റ്റ് മത്സരത്തിൻ്റെ രണ്ടാം ദിനം ചായയ്ക്ക് പിരിയുമ്പോൾ 112/8 എന്ന നിലയിലേക്ക് ചുരുക്കി. ജസ്പ്രീത് ബുംറ, ആകാശ് ദീപ്, രവീന്ദ്ര ജഡേജ എന്നിവർ ഇന്ത്യയുടെ ബൗളിംഗ് അറ്റാക്കിനെ നയിച്ചു, ബംഗ്ലാദേശിൻ്റെ ടോപ്പ് ഓർഡർ ഇന്ത്യൻ സമ്മർദ്ദത്തിൽ തകരുകയാണ്.
ബുംറയുടെ ആദ്യ ഓവറിൽ 2 റൺസിന് ഓപ്പണർ ഷാദ്മാൻ ഇസ്ലാമിനെ നഷ്ടമായ ബംഗ്ലാദേശിന് തുടക്കം മുതലേ കാര്യങ്ങൾ പാളി. തൊട്ടുപിന്നാലെ സാക്കിർ ഹസനും (3) മൊമിനുൾ ഹഖും (0) ആകാശ് ദീപിന്റെ പന്തിൽ പുറത്തായി. 30 പന്തിൽ 20 റൺസുമായി നജ്മുൽ ഹൊസൈൻ ഷാൻ്റോ ചെറിയ ചെറുത്തുനിൽപ്പ് നടത്തി, മുഹമ്മദ് സിറാജിൻ്റെ പന്തിൽ വിരാട് കോഹ്ലിക്ക് ക്യാച്ച് നൽകി അദ്ദേഹവും പുറത്തായി.
64 പന്തിൽ 32 റൺസെടുത്ത ഷക്കീബ് അൽ ഹസൻ ജഡേജയുടെ പന്തിലാണ് പുറത്തായത്. ലിറ്റൺ ദാസ് 22 റൺസെടുത്തെങ്കിലും ഒരു സ്വീപ് കളിക്കവെ ലിറ്റണും ജഡേജയുടെ പന്തിൽ പുറത്തായി. ടീക്ക് തൊട്ടു മുന്നെ ഉള്ള പന്തിൽ ബുമ്ര ഹസൻ മഹ്മുദിനെ പുറത്താക്കി.
ബംഗ്ലാദേശ് ഇപ്പോൾ 264 റൺസിന് പിന്നിലാണ്. ഇന്ത്യയുടെ ബൗളർമാർ, പ്രത്യേകിച്ച് ബുംറ (3/28), ആകാശ് ദീപ് (2/19), ജഡേജ (2/18) എന്നിവർ അവസാന സെഷനിലേക്ക് പോകുമ്പോൾ തങ്ങളുടെ ടീമിനെ മികച്ച നിലയിൽ എത്തിച്ചിരിക്കുകയാണ്.
