ധാക്കയിൽ ഇന്ത്യയുടെ ഇന്നിംഗ്സ് 314 റൺസിൽ അവസാനിച്ചു. വെറും 87 റൺസാണ് ഇന്ത്യയുടെ കൈവശമുള്ള ലീഡ്. 93 റൺസുമായി ഋഷഭ് പന്ത് ആണ് ഇന്ത്യയുടെ ടോപ് സ്കോറര്. 87 റൺസായിരുന്നു ശ്രേയസ്സ് അയ്യര് നേടിയത്. ഇരുവരും തമ്മിൽ അഞ്ചാം വിക്കറ്റിൽ നേടിയ 159 റൺസാണ് ഇന്ത്യയ്ക്ക് വലിയ ആശ്വാസമായത്.
ബംഗ്ലാദേശിനായി തൈജുള് ഇസ്ലാമും ഷാക്കിബ് അൽ ഹസനും 4 വീതം വിക്കറ്റാണ് നേടിയത്. രണ്ടാം ദിവസം അവസാനിക്കുമ്പോള് വിക്കറ്റ് നഷ്ടമില്ലാതെ ഏഴ് റൺസ് ബംഗ്ലാദേശ് രണ്ടാം ഇന്നിംഗ്സിൽ നേടിയിട്ടുണ്ട്.
