ശ്രീലങ്ക എ യ്ക്കെതിരെ നടക്കുന്ന അനൗദ്യോഗിക ടെസ്റ്റില്‍ ഇന്ത്യ കരുതുറ്റ നിലയിലേക്ക്. ഇന്നലെ 376/1 എന്ന നിലയില്‍ ബാറ്റിംഗ് പുനരാരംഭിച്ച ഇന്ത്യ രണ്ടാം ദിവസം ഉച്ച ഭക്ഷണത്തിനായി പിരിയുമ്പോള്‍ 482/4 എന്ന നിലയിലാണ്. രണ്ടാം ദിവസം ആദ്യ സെഷനില്‍ ഇന്ത്യയ്ക്ക് 3 വിക്കറ്റുകളാണ് നഷ്ടമായത്. തലേ ദിവസം ഇരട്ട ശതകത്തിനടുത്ത നിന്ന അഭിമന്യൂ ഈശ്വരന്‍ തന്റെ ഇരട്ട ശതകം പൂര്‍ത്തിയാക്കിയെങ്കിലും 233 റണ്‍സ് നേടി പുറത്താകുകയായിരുന്നു.
ഉച്ച ഭക്ഷണത്തിനായി പിരിയുമ്പോള്‍ അന്‍മോല്‍പ്രീത് സിംഗും(51*) ഒരു റണ്‍സുമായി സിദ്ദേഷ് ലാഡുമാണ് ക്രീസില്‍ നില്‍ക്കുന്നത്. ശ്രീലങ്കയ്ക്കായി വിശ്വ ഫെര്‍ണാണ്ടോ രണ്ടും അകില ധനന്‍ജയയും ലക്ഷന്‍ സണ്ടകനും ഓരോ വിക്കറ്റും നേടി.
