സെയിന്റ് ലൂസിയയില്‍ ഇംഗ്ലണ്ട് നായകന്‍ ജോ റൂട്ടിനെതിരെ അസഭ്യ വര്‍ഷത്തിനു വിന്‍ഡീസ് പേസ് ബൗളര്‍ ഷാനണ്‍ ഗബ്രിയേലിനെതിരെ നടപടി പ്രഖ്യാപിച്ച് ഐസിസി. ഐസിസി പെരുമാറ്റ ചട്ടത്തിലെ ആര്‍ട്ടിക്കിള്‍ 2.13ന്റെ ലംഘനമാണ് ഗബ്രിയേല്‍ നടത്തിയിരിക്കുന്നതെന്നാണ് ഐസിസിയുടെ കണ്ടെത്തല്‍. മാച്ച് അമ്പയര്‍മാരുടെ ചാര്‍ജ്ജ് മാച്ച് റഫറി ജെഫ് ക്രോ ആവും തുടര്‍ നടപടികള്‍ സ്വീകരിക്കുക.
വരും ദിവസങ്ങളില്‍ ഹിയറിംഗിനു ശേഷമാവും ശിക്ഷയെന്തെന്നുള്ളത് വ്യക്തമാക്കുക. നടപടിക്രമങ്ങള്‍ പൂര്‍ത്തിയാകുന്നത് വരെ വിഷയത്തില്‍ ഐസിസി പ്രതികരണങ്ങള്‍ ഉണ്ടാകില്ല എന്നാണ് അറിയുന്നത്. കുറ്റക്കാരനെന്ന് കണ്ടെത്തിയാല്‍ രണ്ട് ടെസ്റ്റുകളില്‍ നിന്നോ നാല് ഏകദിനങ്ങളില്‍ നിന്നോ താരത്തിനു വിലക്ക് വന്നേക്കും. നിലവില്‍ മൂന്ന് ഡീമെറിറ്റ് പോയിന്റുള്ള താരത്തിനു ഇനി ഒരു പോയിന്റ് കൂടി ലഭിച്ചാല്‍ ഉള്ള സാഹചര്യത്തിലെ സ്ഥിതിയാണ് ഇത്.
