ലെജൻഡ്‌സ് ലീഗ് ക്രിക്കറ്റ് 2023-ന്റെ രണ്ടാം മത്സരത്തിൽ ഇന്ത്യ മഹാരാജാസിന് മുന്നിൽ 167 റൺസിന്റെ വിജയലക്ഷ്യം വേൾഡ് ജയന്റ്‌സ് ഉയർത്തി. വേൾഡ് ജയന്റ്സിന്റെ ആരോൺ ഫിഞ്ചും ഷെയ്ൻ വാട്സണും നിർണായക അർദ്ധ സെഞ്ച്വറികൾ നേടി. അവരുടെ ടീം 20 ഓവറിൽ 166/8 എന്ന സ്കോറാണ് നേടിയത്.
വാട്സൺ 32 പന്തിൽ നിന്ന് 55 റൺസും, ഫിഞ്ച് 31 പന്തിൽ 53 റൺസും എടുത്തു.ഇന്ത്യ മഹാരാജാസിന്റെ ഹർഭജൻ സിംഗ് 2 ഓവറിൽ 13 റൺസ് മാത്രം വഴങ്ങി നാലു വിക്കറ്റുകൾ വീഴ്ത്തി. ക്രിസ് ഗെയ്‌ൽ, റോസ് ടെയ്‌ലർ, കെവിൻ ഒ ബ്രയാൻ, മോൺ വാൻ വൈക്ക് എന്നിവരുടെ വിക്കറ്റുകൾ ആണ് ഹർഭജൻ വീഴ്ത്തിയത്‌.
