ബംഗ്ലാദേശിന്റെ ശ്രീലങ്കയ്ക്കെതിരെയുള്ള വിജയം ഏറെ സന്തോഷം നല്‍കുന്നതെന്ന് പറഞ്ഞ് തമീം ഇക്ബാല്‍. മൂന്ന് ഫോര്‍മാറ്റുകളിലായി പത്തോളം മത്സരങ്ങളാണ് ബംഗ്ലാദേശ് പരാജയമേറ്റുവാങ്ങിയതെന്നും ഒടുവില്‍ ഒന്നില്‍ വിജയിക്കാനായതില്‍ സന്തോഷമുണ്ടെന്നും തമീം ഇക്ബാല്‍ പറഞ്ഞു.
വിജയമെന്നത് സന്തോഷം നല്‍കുന്ന കാര്യമാണെന്നും അതില്‍ ടീമംഗങ്ങള്‍ക്കെല്ലാം സന്തോഷമുണ്ടെന്നും തമീം പറഞ്ഞു. മഹമ്മുദുള്ളയും മുഷ്ഫിക്കുറും ചേര്‍ന്ന് ടീമിനെ മികച്ച സ്കോറിലേക്ക് നയിച്ചുവെന്നും ബാറ്റിംഗ് പ്രയാസമായ പിച്ചില്‍ ഈ സ്കോര്‍ ഡീസന്റ് ആയിരുന്നുവെന്നും തമീം വ്യക്തമാക്കി.
ഇത് പോലെ മികവ് അടുത്ത മത്സരത്തിലും പുറത്തെടുക്കാനാകുമെന്നാണ് കരുതുന്നതെന്നും തമീം പറഞ്ഞു.
