ലെജൻഡ്സ് ലീഗ് ക്രിക്കറ്റിലെ അഞ്ചാം മത്സരത്തിൽ വേൾഡ് ജയന്റ്സിനെതിരെ ഇന്ത്യൻ മഹാരാജാസിന് പരാജയം. 20 ഓവറിൽ 9 വിക്കറ്റ് നഷ്ടത്തിൽ 136 റൺസ് മാത്രമായിരുന്നു ഇന്ത്യ മഹാരാജാസ് ഇന്ന് നേടിയത്. അവസാന മൂന്ന് മത്സരങ്ങളിലും അർധ സെഞ്ച്വറി നേടിയ ഗംഭീർ ഇല്ലാതെ ആയിരുന്നു ഇന്ത്യ ഇന്ന് കളിച്ചത്. 137 എന്ന വിജയ ലക്ഷ്യം പിന്തുടർന്ന വേൾഡ് ജയന്റ്സ് 7 വിക്കറ്റ് നഷ്ടത്തിൽ വിജയം നേടി. ഗെയ്ല് 46 പന്തിൽ നിന്ന് 57 റൺസുമായി അവരുടെ ടോപ് സ്കോറർ ആയി. 26 റൺസുമായി വാട്സണും തിളങ്ങി
ഇന്ന് ഇന്ത്യക്ക് ആയി മൻവിന്ദർ ബിസ്ലയും സുരേഷ് റെയ്നയും മാത്രമാണ് യഥാക്രമം 36, 49 റൺസ് നേടി കുറച്ചെങ്കിലും തിളങ്ങിയത്. അവർക്കും വേഗത്തിൽ സ്കോർ ചെയ്യാൻ ആയില്ല. തന്റെ മൂന്ന് ഓവറിൽ 18 റൺസ് മാത്രം വഴങ്ങി മൂന്ന് നിർണായക വിക്കറ്റ് വീഴ്ത്തിയ ബ്രെറ്റ് ലീയാണ് വേൾഡ് ജയന്റ്സിന്റെ ബൗളർമാരുടെ നിരയിൽ ഏറ്റവും തിളങ്ങിയത്.
