ഹാർദിക് പാണ്ഡ്യ ടെസ്റ്റ് കളിച്ചാൽ ഇന്ത്യക്ക് ടെസ്റ്റ് ചാമ്പ്യൻഷിപ്പും സുഖമായി നേടാം എന്ന് സുനിൽ ഗവാസ്കർ. ഹാർദിക് പാണ്ഡ്യ കളിക്കുക ആണെങ്കിൽ ഈ വർഷാവസാനം ഓസ്‌ട്രേലിയയിൽ നടക്കുന്ന ടെസ്റ്റ് പരമ്പരയും ലോക ടെസ്റ്റ് ചാമ്പ്യൻഷിപ്പും (ഡബ്ല്യുടിസി) ഇന്ത്യൻ ടീമിന് അപരാജിതരായി നേടാൻ കഴിയും എന്നാണ് ഗവാസ്കർ പറയുന്നത്.
“അടുത്ത രണ്ട് മാസത്തിനുള്ളിൽ ഹാർദിക് പാണ്ഡ്യയെ ടെസ്റ്റ് ക്രിക്കറ്റിൽ മടങ്ങി വരും. ഹാർദികിനെ ടെസ്റ്റ് കളിപ്പിക്കാൻ സമ്മതിപ്പിക്കാനുള്ള ശ്രമമുണ്ടാകണമെന്ന് ഞാൻ കരുതുന്നു. ഒരു ദിവസം അദ്ദേഹം പത്ത് ഓവർ പന്തെറിയുകയും ഒപ്പം ബാറ്റു കൊണ്ട് സംഭാവന ചെയ്യുകയും ചെയ്താൽ, ഈ ഇന്ത്യൻ ടീമിന് അപരാജിതരായി മുന്നേറാം. അവരെ തോൽപ്പിക്കാൻ ആർക്കും ആകില്ല.” ഗവാസ്കർ പറഞ്ഞു.
“തീർച്ചയായും ഇന്ത്യക്ക് ലോക ചാമ്പ്യൻഷിപ്പ് ജയിക്കാനും ഓസ്‌ട്രേലിയയിൽ ഓസ്‌ട്രേലിയയെ തോൽപ്പിക്കാനും കഴിയും, ”ഗവാസ്കർ പറഞ്ഞു.
