കെ എൽ രാഹുലിന്റെ മോശം ഫോമിന് ഇടയിലും പിന്തുണയുമായി ഇന്ത്യയുടെ മുഖ്യ പരിശീലകൻ ഗൗതം ഗംഭീർ. രാഹുലിനെ പോലൊരു കളിക്കാരൻ വേറെ എത്ര ടീമിൽ ഉണ്ടെന്ന് ഗംഭീർ ഇന്ന് പത്ര സമ്മേളനത്തിൽ ചോദിച്ചു. അടുത്തിടെ, ഓസ്‌ട്രേലിയ എയ്‌ക്കെതിരായ മത്സരത്തിൽ 4, 10 എന്നീ കുറഞ്ഞ സ്‌കോറുകൾക്ക് രാഹുൽ പുറത്തായിരുന്നു. രോഹിത് ശർമ്മ ഓസ്ട്രേലിയക്ക് എതിരായ ആദ്യ ടെസ്റ്റിൽ ഇല്ല എങ്കിൽ രാഹുൽ പകരം ഓപ്പൺ ചെയ്യും എന്ന് ഗംഭീർ സൂചന നൽകി.
“വിവിധ പൊസിഷനുകളിൽ ബാറ്റ് ചെയ്യാനും വിക്കറ്റുകൾ സൂക്ഷിക്കാനുമുള്ള കെഎൽ രാഹുലിൻ്റെ കഴിവ് അപൂർവമാണ്. ആറാം നമ്പറിൽ കളിക്കാനും ഓപ്പൺ ചെയ്യാനും കഴിയുന്ന അദ്ദേഹത്തെപ്പോലെ എത്ര ടീമുകൾ ഉണ്ട്? രോഹിത് ലഭ്യമല്ലെങ്കിൽ, രാഹുലിന് ഞങ്ങൾക്ക് വേണ്ടി ആ ജോലി ചെയ്യാൻ കഴിയുമെന്ന് ഞാൻ വിശ്വസിക്കുന്നു.” ഗംഭീർ പറഞ്ഞു.
നവംബർ 22-ന് പെർത്തിൽ ആണ് ഓസ്‌ട്രേലിയക്കെതിരായ ആദ്യ ടെസ്റ്റ് നടക്കുന്നത്.
