ഓസ്‌ട്രേലിയയ്‌ക്കെതിരായ ബോർഡർ-ഗവാസ്കർ ട്രോഫിയിലെ ഇന്ത്യയുടെ തോൽവിക്ക് പിന്നാലെ രൂക്ഷ വിമർശവുമായി ഗവാസ്കർ. ഗൗതം ഗംഭീറിൻ്റെ നേതൃത്വത്തിലുള്ള കോച്ചിംഗ് സ്റ്റാഫിനെതിരെ ക്രിക്കറ്റ് ഇതിഹാസം സുനിൽ ഗവാസ്കർ രോഷാകുലനായി. അഞ്ച് മത്സരങ്ങളുടെ പരമ്പര ഇന്ത്യ 3-1 ന് തോറ്റിരുന്ന്.
ന്യൂസിലൻഡിനെതിരായ ഹോം പരമ്പരയിൽ ആരംഭിച്ച ഇന്ത്യയുടെ ബാറ്റിംഗ് കഷ്ടതകൾ ഒരു പരിഹാരവുമില്ലാതെ ഓസ്‌ട്രേലിയൻ പര്യടനത്തിലേക്കും നീങ്ങിയതായി ഗവാസ്കർ പറഞ്ഞു. “കോച്ചിംഗ് സ്റ്റാഫ് എന്താണ് ചെയ്യുന്നത്? ന്യൂസിലൻഡിനെതിരെ ഞങ്ങൾ 46 റൺസിന് പുറത്തായി. ഇവിടെ ഓസ്‌ട്രേലിയയിൽ ബാറ്റിംഗ് ഓർഡറിൽ ദൃഢതയില്ല,” അദ്ദേഹം പറഞ്ഞു.
“പറയൂ, നിങ്ങൾ എന്താണ് ചെയ്തത്? അവരുടെ സാങ്കേതികതയും സ്വഭാവവും മെച്ചപ്പെടുത്താൻ നിങ്ങൾ സഹായിക്കേണ്ടതുണ്ട്. നിങ്ങൾ അത് ചെയ്തില്ല. ” അദ്ദേഹം പറഞ്ഞു.
“മോശം പ്രകടനത്തിന് ശേഷം കളിക്കാരുടെ ഭാവി ചോദ്യം ചെയ്യപ്പെടുകയാണെങ്കിൽ, എന്തുകൊണ്ട് പരിശീലകരെ ചോദ്യം ചെയ്തു കൂടാ?” ഗവാസ്കർ ചോദിച്ചു.
