2016 കൗണ്ടി ചാമ്പ്യന്മാരായ മിഡില്‍സെക്സ് തങ്ങളുടെ താരങ്ങള്‍ക്കും സ്റ്റാഫിനും അവധി കൊടുക്കുവാന്‍ തീരുമാനിച്ചു. യുണൈറ്റഡ് കിംഗ്ഡത്തിന്റെ ജോലി നിലനിര്‍ത്തല്‍ പോളിസിയുടെ ഭാഗമായാണ് ഈ നടപടി. കളിക്കാര്‍ക്കും സപ്പോര്‍‍ട്ട്-അഡിമിന്സ്ട്രേറ്റീവ് സ്റ്റാഫുകള്‍ക്കും അവധി കൊടുക്കുവാനുള്ള തീരുമാനം ഉടന്‍ പ്രാബല്യത്തില്‍ വരുമെന്നാണ് അറിയുന്നത്.
ഏപ്രില്‍ 12ന് ആരംഭിക്കേണ്ട കൗണ്ടി സീസണ്‍ മേയ് 28 വരെ നീട്ടുവാന്‍ ഇംഗ്ലണ്ട് ബോര്‍ഡ് തീരുമാനിച്ചിരുന്നു. തീരുമാനം ക്ലബിന്റെ ദീര്‍ഘകാല ഗുണത്തിനായാണ് എടുത്തതെന്നാണ് മിഡില്‍സെക്സ് ചീഫ് എക്സിക്യൂട്ടീവ് റിച്ചാര്‍ഡ് ഗോട്ട്‍ലേ അവകാശപ്പെട്ടത്. തൊഴിലാളുകളുടെ ജോലിയും ക്ലബിന്റെ ഭാവിയും പരിഗണിച്ചാണ് ഈ തീരുമാനം എന്ന് ഗോട്ട്‍ലേ പറഞ്ഞു.
നേരത്തെ ക്ലബ് വേതനം വെട്ടിച്ചുരുക്കല്‍ പ്രഖ്യാപിച്ചിരുന്നു. സീനിയര്‍ മാനേജ്മെന്റ് 20 ശതമാനവും 27500 ഗ്രേറ്റ് ബ്രിട്ടന്‍ പൗണ്ടിനു മേല്‍ ശമ്പളമുള്ളവര്‍ 17 ശതമാനവും പേ കട്ടാണ് സമ്മതിച്ചത്.
