തുടക്കത്തിലെ തകർച്ചക്ക് ശേഷം ഇംഗ്ലണ്ട് തിരിച്ചടിക്കുന്നു

India England Umesh Yadhav Kohli Celebration Siraj Pujara

ഇന്ത്യക്കെതിരായ നാലാം ക്രിക്കറ്റ് ടെസ്റ്റിന്റെ രണ്ടാം ദിവസം ഇംഗ്ലണ്ട് തിരിച്ചടിക്കുന്നു. തുടക്കത്തിൽ ഇന്ത്യൻ ഫാസ്റ്റ് ബൗളർമാർക്കെതിരെ തകർന്നെങ്കിലും തുടർന്ന് ഇംഗ്ലണ്ട് തിരിച്ചടിക്കുകയായിരുന്നു. രണ്ടാം ദിവസം ലഞ്ചിന് പിരിയുമ്പോൾ ഇംഗ്ലണ്ട് 5 വിക്കറ്റ് നഷ്ടത്തിൽ 139 റൺസ് എന്ന നിലയിലാണ്. നിലവിൽ ഇംഗ്ലണ്ട് ഇന്ത്യയേക്കാൾ 52 റൺസ് പിറകിലാണ്.

5 വിക്കറ്റ് നഷ്ടത്തിൽ 62 റൺസ് എന്ന നിലയിൽ തകർച്ചയിലായ ഇംഗ്ലണ്ടിന്റെ ഓലി പോപ്പും ജോണി ബെയർസ്റ്റോയും ചേർന്ന് രക്ഷിക്കുകയായിരുന്നു. പോപ്പ് 38 റൺസ് എടുത്തും ബെയർസ്റ്റോ 34 റൺസ് എടുത്തും പുറത്താവാതെ നിൽക്കുന്നുണ്ട്. ഇന്ത്യക്ക് വേണ്ടി ഇന്ന് വീണ 2 വിക്കറ്റും വീഴ്ത്തിയത് ഉമേഷ് യാദവാണ്. 31 റൺസ് എടുത്ത ഡേവിഡ് മലനും 1 റൺസ് എടുത്ത് ക്രെയ്ഗ് ഓവർട്ടനുമാണ് ഇന്ന് പുറത്തായത്. ഒന്നാം ഇന്നിങ്സിൽ ഉമേഷ് യാദവ് 3 വിക്കറ്റും ജസ്പ്രീത് ബുംറ രണ്ട് വിക്കറ്റും വീഴ്ത്തിയിട്ടുണ്ട്.

Previous articleഹംഗറി ആരാധകരുടെ പെരുമാറ്റം ഒരിക്കലും അംഗീകരിക്കാൻ ആവില്ലെന്നു ഗാരത് സൗത്ഗേറ്റ്
Next articleകേരള ബ്ലാസ്റ്റേഴ്സിന് വിജയ തിളക്കം