ഇന്ത്യന് ടെസ്റ്റ് ടീമില് തന്നെ ഉള്പ്പെടുത്തിയത് സ്വപ്ന സാക്ഷാത്കാരമെന്ന് പറഞ്ഞ് ഋഷഭ് പന്ത്. വൃദ്ധിമന് സാഹയുടെ പരിക്ക് കാരണം ദിനേശ് കാര്ത്തിക്കും ഋഷഭ് പന്തിനും ഇന്ത്യന് ടെസ്റ്റ് ടീമില് ഇടം നല്കുന്ന അവസ്ഥയിലേക്ക് കാരണങ്ങള് കൊണ്ടെത്തിച്ചപ്പോള് ഇത് തന്റെ ഏറെക്കാലത്തെ ആഗ്രഹം സാധ്യമായ നിമിഷമാണെന്നാണ് പന്ത് പറഞ്ഞത്. അവസാ ഇലവനില് സ്ഥാനം ലഭിച്ചേക്കില്ലെങ്കിലും ടെസ്റ്റ് ടീമിനൊപ്പം ഡ്രസ്സിംഗ് റൂം പങ്കിടുന്നത് തന്നെ വലിയ കാര്യമെന്നാണ് പന്ത് പറഞ്ഞത്.
ഇന്ത്യ എ യുടെ ഇംഗ്ലണ്ട് ടൂറില് ചതുര് ദിന മത്സരങ്ങളില് മികവ് പുലര്ത്തിയ ബാറ്റ്സ്മാന്മാരില് പ്രധാനി ഋഷഭ് പന്ത് ആയിരുന്നു. പൊതുവേ മോശം പ്രകടനമാണ് ഇന്ത്യ എ ചുവപ്പ് പന്തില് ഇംഗ്ലണ്ടില് പുറത്തെടുത്തത്. എന്നാല് ഡ്യൂക്ക് ബോളില് ഋഷഭ് പന്ത് ഭേദപ്പെട്ട പ്രകടനമാണ് നടത്തിയത്. അജിങ്ക്യ രഹാനെയ്ക്കൊപ്പം മികച്ച കൂട്ടുകെട്ട് നേടുവാന് തനിക്ക് സാധിച്ചതും തന്റെ ആത്മവിശ്വാസം കൂട്ടുന്നുവെന്നാണ് പന്ത് പറഞ്ഞത്.
കൂടുതൽ കായിക വാർത്തകൾക്ക് : www.facebook.com/FanportOfficial
