വിന്റേജ് ധോണിയെ ആരാധകർക്ക് ഇന്ന് കാണാൻ ആയി. എംഎ ചിദംബരം സ്റ്റേഡിയത്തിൽ ചെന്നൈ സൂപ്പർ കിംഗ്സിൻ്റെ പരിശീലന സെഷനിൽ ശ്രീലങ്കൻ പേസർ മതീശ പതിരണയ്ക്കെതിരെ ധോണി ഒരു വിൻ്റേജ് ഹെലികോപ്റ്റർ സിക്സ് പറത്തി. ഈ വീഡിയോ സോഷ്യൽ മീഡിയയിൽ ഇന്ന് വൈറലായി.
43-കാരൻ ഒരു യോർക്കർ ബൗളറുടെ തലയ്ക്ക് മുകളിലൂടെ സിക്സറിന് അയച്ചു, ആരാധകരെ ഇത് ആവേശഭരിതരാക്കി.
അൺക്യാപ്പ്ഡ് കളിക്കാരനെന്ന നിലയിൽ 4 കോടി രൂപയ്ക്ക് സിഎസ്കെ നിലനിർത്തിയ ധോണിയുടെ അവസാന ഐപിഎൽ സീസണാകും ഇതെന്നാണ് പലരും വിലയിരുത്തുന്നത്. അഞ്ച് തവണ കിരീടം നേടിയ ക്യാപ്റ്റൻ വിരമിക്കലിനെ കുറിച്ച് സൂചനകൾ നൽകിയിട്ടുണ്ട്.
ജൂലൈയിൽ ധോണിക്ക് 44 വയസ്സ് തികയുന്നതിനാൽ, ഒരു തവണ കൂടി ടീമിനെ നയിക്കുമ്പോൾ അദ്ദേഹത്തിൻ്റെ ഇതിഹാസ ഫിനിഷിംഗ് കഴിവിൻ്റെ കൂടുതൽ കാഴ്ചകൾ കാണുമെന്ന് CSK ആരാധകർ പ്രതീക്ഷിക്കുന്നു.
