ഐ.പി.എല്ലിന് ശേഷം ഇന്ത്യൻ ടീമിൽ കളിക്കുമോ എന്നത് ധോണി സ്വയം തീരുമാനിക്കുമെന്ന് രവി ശാസ്ത്രി

- Advertisement -

2020ലെ ഐ.പി.എല്ലിന് ശേഷം ഇന്ത്യൻ ടീമിൽ കളിക്കണമെന്നോ വേണ്ടയോ എന്നത് ധോണി സ്വയം തീരുമാനിക്കുമെന്ന് ഇന്ത്യൻ ക്രിക്കറ്റ് ടീം പരിശീലകൻ രവി ശാസ്ത്രി. ധോണി ഇന്ത്യൻ ക്രിക്കറ്റ് ഇതിഹാസം ആണെന്നും അടുത്ത വർഷം ഓസ്ട്രേലിയയിൽ നടക്കുന്ന ലോകകപ്പിന് താൻ യോഗ്യനാണെന്ന് ധോണിക്ക് ഐ.പി.എല്ലിന് ശേഷം തോന്നിയാൽ താരം ഇന്ത്യൻ ടീമിൽ ഉണ്ടാവുമെന്നും രവി ശാസ്ത്രി കൂട്ടിച്ചേർത്തു.

ക്രിക്കറ്റിൽ നിന്ന് ഒരു വിശ്രമം ആവശ്യമായത്കൊണ്ടാണ് ധോണി ഇന്ത്യൻ ടീമിൽ നിന്ന് ലോകകപ്പിന് ശേഷം വിട്ടുനിന്നതെന്നും രവി ശാസ്ത്രി പറഞ്ഞു. ഇംഗ്ലണ്ടിൽ നടന്ന ലോകകപ്പിൽ ന്യൂസിലാൻഡിനെതിരെ സെമി ഫൈനലിൽ തോറ്റ് ഇന്ത്യ പുറത്തായതിന് പിന്നാലെ ധോണി ഇതുവരെ ക്രിക്കറ്റിൽ തിരിച്ചെത്തിയിട്ടില്ല. ധോണിയുടെ വിരമിക്കലിനെ പറ്റി ഒരുപാട് ഊഹാപോഹങ്ങൾ ഉണ്ടെങ്കിലും താരം ഐ.പി.എല്ലിൽ മികച്ച പ്രകടനം പുറത്തെടുത്താൽ ഇന്ത്യൻ ടീമിൽ തിരിച്ചെത്തുമെന്ന് തന്നെയാണ് രവി ശാസ്ത്രി നൽകുന്ന സൂചനകൾ.

Advertisement