ഇംഗ്ലീഷ് ഓഫ് സ്പിന്നർ ഷോയിബ് ബഷീറിനെ രണ്ട് വർഷത്തെ കരാറിൽ സ്വന്തമാക്കി ഡെർബിഷെയർ കൗണ്ടി ക്രിക്കറ്റ് ക്ലബ്ബ്. 2027 സീസൺ വരെ നീണ്ടുനിൽക്കുന്ന ഈ കരാർ ഇന്ന് ഔദ്യോഗികമായി പ്രഖ്യാപിച്ചു. കൗണ്ടി ക്രിക്കറ്റിലെ ട്രാൻസ്ഫർ ജാലകത്തിലെ ഏറ്റവും ശ്രദ്ധേയമായ നീക്കങ്ങളിൽ ഒന്നാണിത്.
സോമർസെറ്റ് ക്ലബ്ബ് വിട്ടാണ് 22-കാരനായ താരം ഡെർബിഷെയറിലേക്ക് എത്തുന്നത്. ഓസ്ട്രേലിയയിൽ നടന്ന ആഷസ് പരമ്പരയ്ക്ക് ശേഷം കൂടുതൽ ഫസ്റ്റ് ക്ലാസ് മത്സരങ്ങളിൽ കളിച്ച് തന്റെ മികവ് തെളിയിക്കുക എന്ന ലക്ഷ്യത്തോടെയാണ് ബഷീർ ഈ പുതിയ തീരുമാനം കൈക്കൊണ്ടിരിക്കുന്നത്. 19 ടെസ്റ്റ് മത്സരങ്ങളിൽ നിന്ന് 68 വിക്കറ്റുകളും 35 ഫസ്റ്റ് ക്ലാസ് മത്സരങ്ങളിൽ നിന്ന് 87 വിക്കറ്റുകളും ഈ യുവതാരം ഇതിനോടകം സ്വന്തമാക്കിയിട്ടുണ്ട്.
പ്രശസ്ത പരിശീലകൻ മിക്കി ആർതറിന് കീഴിലായിരിക്കും ബഷീർ ഇനി ഡെർബിഷെയറിൽ പന്തെറിയുക.
