ബംഗ്ലാദേശിന് ഈ മത്സരത്തിൽ എല്ലാ ക്രെഡിറ്റും അര്ഹിക്കുന്നുവെന്ന് പറഞ്ഞ് രവിചന്ദ്രന് അശ്വിന്. ഇന്ത്യയെ സമ്മര്ദ്ദത്തിലാക്കുവാന് അവര്ക്ക് സാധിച്ചുവെന്നും അശ്വിന് കൂട്ടിചേര്ത്തു. മത്സരത്തിൽ ഇതിന് മുമ്പ് തന്നെ ഇന്ത്യ വിജയം സ്വന്തമാക്കേണ്ടതായിരുന്നുവെന്നും പക്ഷേ വിക്കറ്റുകളുമായി ബംഗ്ലാദേശ് തിരിച്ചടിക്കുകയായിരുന്നുവെന്നും അശ്വിന് പറഞ്ഞു.
ശ്രേയസ്സ് അയ്യര് മികച്ച രീതിയിലാണ് ബാറ്റ് വീശിയതെന്നും താന് അദ്ദേഹത്തിന്റെ ബാറ്റിംഗ് ആസ്വദിച്ചുവെന്നും മാന് ഓഫ് ദി മാച്ചായി തിരഞ്ഞെടുക്കപ്പെട്ട അശ്വിന് പറഞ്ഞു. 74/7 എന്ന നിലയിലേക്ക് വീണ ഇന്ത്യയെ അശ്വിനും ശ്രേയസ്സ് അയ്യരും ചേര്ന്ന് 71 റൺസ് നേടിയാണ് വിജയത്തിലേക്ക് നയിച്ചത്.
അശ്വിന് 42 റൺസും ശ്രേയസ്സ് അയ്യര് 29 റൺസും നേടിയാണ് എട്ടാം വിക്കറ്റിൽ ഇന്ത്യന് വിജയം സാധ്യമാക്കിയത്. അശ്വിനാണ് മത്സരത്തിലെ താരമായി തിരഞ്ഞെടുക്കപ്പെട്ടത്.
