പ്രതീക്ഷിച്ച പോലെ വിടവാങ്ങല് ടെസ്റ്റിലെ മികച്ച താരമായി തിരഞ്ഞെടുക്കപ്പെട്ട് അലിസ്റ്റര് കുക്ക്. ആദ്യ ഇന്നിംഗ്സിലെ 71 റണ്സിനൊപ്പം രണ്ടാം ഇന്നിംഗ്സില് നേടിയ 147 റണ്സിന്റെയും ബലത്തില് അലിസ്റ്റര് കുക്ക് തന്റെ ടെസ്റ്റ് കരിയറിനു വിരാമം കുറിക്കുമ്പോള് മാന് ഓഫ് ദി മാച്ച് പട്ടവും സ്വന്തമാക്കിയാണ് മടങ്ങുന്നത്. അരങ്ങേറ്റത്തിലും വിടവാങ്ങലിലും അര്ദ്ധ ശതകവും ശതകവും നേടുന്ന താരമായി മാറിയ കുക്കിനു ഇരട്ടി മധുരമാണ് ഈ കളിയിലെ താരം പദവി.
പരമ്പരയിലെ താരങ്ങളായി ഇന്ത്യയില് നിന്ന് വിരാട് കോഹ്ലിയും ഇംഗ്ലണ്ടിന്റെ സാം കറനും തിരഞ്ഞെടുക്കപ്പെട്ടു. ഇന്ത്യയുടെ ബാറ്റിംഗ് നെടുംതൂണായി വിരാട് മാറിയപ്പോള് സാം കറന് രണ്ട് ടെസ്റ്റിലെങ്കിലും ഇംഗ്ലണ്ടിനു തന്റെ ഓള്റൗണ്ട് മികവിനാല് വിജയം നേടിക്കൊടുത്തിരുന്നു.