രഞ്ജി സിസിയ്ക്കെതിരെ പടുകൂറ്റന് വിജയം നേടി റോവേഴ്സ് സിസി. ഇന്ന് സെലസ്റ്റിയൽ ട്രോഫിയുടെ ഭാഗമായി നടന്ന മത്സരത്തിൽ 177 റൺസ് വിജയം ആണ് റോവേഴ്സ് നേടിയത്. ആദ്യം ബാറ്റ് ചെയ്ത റോവേഴ്സ് 28 ഓവറിൽ 242/9 എന്ന സ്കോര് നേടിയ ശേഷം രഞ്ജി സിസിയെ 65 റൺസിന് എറിഞ്ഞിടുകയായിരുന്നു.
28 ഓവറായി ചുരുക്കിയ മത്സരത്തിൽ 14.5 ഓവറിലാണ് രഞ്ജി സിസി ഓള്ഔട്ട് ആയത്. 4 വിക്കറ്റ് വീഴ്ത്തി പ്രവീണും പ്രണവും ആണ് റോവേഴ്സ് ബൗളിംഗിൽ തിളങ്ങിയത്.
ബാറ്റിംഗിൽ 33 റൺസ് കൂടി നേടിയ പ്രണവ് ആണ് കളിയിലെ താരം. 65 റൺസുമായി പുറത്താകാതെ നിന്ന അജിനാസ് ആണ് റോവേഴ്സിന്റെ ടോപ് സ്കോറര്. ഷൈന് ജേക്കബ് 41 റൺസ് നേടിയപ്പോള് ഗിരീഷ്(26), ആരോൺ തോമസ്(27), അജീഷ്(21) എന്നിവരും ശ്രദ്ധേയമായ സംഭാവന നൽകി.
ആരോമൽ, ടിനു എന്നിവര് രഞ്ജി സിസിയ്ക്കായി രണ്ട് വിക്കറ്റ് നേടി.
