കെന്റ് സിസി അഞ്ചലിനെതിരെ വിജയം നേടി റോവേഴ്സ് സിസി തിരുവനന്തപുരം. ഇന്ന് സെലസ്റ്റിയൽ ട്രോഫിയുടെ ഭാഗമായി നടന്ന മത്സരത്തിൽ ആദ്യം ബാറ്റ് ചെയ്ത റോവേഴ്സ് സിസി 5 വിക്കറ്റ് നഷ്ടത്തിൽ 26 ഓവറിൽ നിന്ന് 211 റൺസാണ് നേടിയത്.
36 പന്തിൽ 71 റൺസ് നേടിയ അജിനാസ് ആണ് റോവേഴ്സിനെ മികച്ച സ്കോറിലേക്ക് നയിച്ചത്.
55 റൺസ് നേടിയ ആരോൺ തോമസും ടീമിനായി തിളങ്ങി.
കെന്റ് സിസി റോവേഴ്സിന് വെല്ലുവിളി ഉയര്ത്തിയെങ്കിലും ടീം 24.5 ഓവറിൽ 196 റൺസിന് ഓള്ഔട്ട് ആകുകയായിരുന്നു. ഇതോടെ 15 റൺസ് വിജയം റോവേഴ്സ് നേടി. 24 പന്തിൽ 42 റൺസ് നേടിയ അംജദ് രാജ് ആണ് ടീമിന്റെ ടോപ് സ്കോറര്. ആസിഫ് അലി(31), ഷാരോൺ(30), അഖിൽ (11 പന്തിൽ 24 റൺസ്) എന്നിവരും പൊരുതി നോക്കി.
നാല് വിക്കറ്റുമായി എം പ്രവീൺ ആണ് റോവേഴ്സ് നിരയിൽ തിളങ്ങിയത്. അജിനാസ് ആണ് കളിയിലെ താരം.
