സെലസ്റ്റിയൽ ട്രോഫിയിൽ ഇന്ന് സീറോസിനെതിരെ തകര്പ്പന് വിജയവുമായി കരമന റിക്രിയേഷന് ക്ലബ് എ ടീം. ആദ്യം ബാറ്റ് ചെയ്ത സീറോസിനെ 27.1 ഓവറിൽ 136 റൺസിന് എറിഞ്ഞിട്ട ശേഷം വിജയികള് ലക്ഷ്യം 18.1 ഓവറിൽ 1 വിക്കറ്റ് നഷ്ടത്തിൽ മറികടക്കുകയായിരുന്നു.
58 പന്തിൽ 74 റൺസ് നേടിയ കെആര്സിയുടെ അമീഷ് ആണ് കളിയിലെ താരം. അനന്ദു 37 റൺസ് നേടി പുറത്താകാതെ നിന്നു.
നേരത്തെ ബൗളിംഗിൽ കരമന ആര്സിയ്ക്ക് വേണ്ടി ബോവസ് പിബി നാലും അഭിനവ് കൃഷ്ണ മൂന്നും വിക്കറ്റ് നേടിയപ്പോള് 39 റൺസ് നേടിയ സ്മിത് ജെയിംസ് ആണ് സീറോസിന്റെ ടോപ് സ്കോറര്. ധനുഷ് 30 റൺസ് നേടി.
