സെലസ്റ്റിയൽ ട്രോഫിയുടെ ഭാഗമായി ഇന്ന് കെസിഎ മംഗലപുരം സ്റ്റേഡിയത്തിൽ നടന്ന മത്സരത്തിൽ കേശവഷയര് സിസിയ്ക്ക് മികച്ച വിജയം. ആദ്യം ബാറ്റ് ചെയ്ത പാക്കേഴ്സ് സിസി 9 വിക്കറ്റ് നഷ്ടത്തിൽ 211 റൺസെന്ന ഭേദപ്പെട്ട സ്കോര് നേടിയെങ്കിലും മൂന്ന് വിക്കറ്റ് നഷ്ടത്തിൽ 23.2 ഓവറിൽ വിജയം കുറിയ്ക്കുവാന് കേശവഷയറിന് സാധിച്ചു.
ഗൗതം(58), അഗിലേഷ് ബാലന്(56) എന്നിവരുടെ അര്ദ്ധ ശതകങ്ങളാണ് പാക്കേഴ്സിനെ 211 റൺസിലേക്ക് എത്തിച്ചത്. കേശവഷയറിനായി സിബിന് പി ഗിരീഷ് 3 വിക്കറ്റ് നേടി. മൂന്ന് പാക്കേഴ്സ് താരങ്ങള് റണ്ണൗട്ട് രൂപത്തിലാണ് പുറത്തായത്.
54 പന്തിൽ 87 റൺസ് നേടിയ റാസിം ബഷീറും 31 പന്തിൽ 63 റൺസുമായി പുറത്താകാതെ നിന്ന സിബിന് പി ഗിരീഷും ആണ് കേശവഷയറിന്റെ വിജയം അനായാസമാക്കിയത്.
