സെലസ്റ്റിയൽ ട്രോഫിയിൽ അത്രേയ ക്രിക്കറ്റ് ക്ലബിന് ആദ്യ മത്സരത്തിൽ വിജയം. ഇന്ന് നടന്ന മത്സരത്തിൽ പ്രതിഭ സിസിയ്ക്കെതിരെ 6 വിക്കറ്റ് വിജയം ആണ് അത്രേയ നേടിയത്. ആദ്യം ബാറ്റ് ചെയ്ത പ്രതിഭ സിസി 175/9 എന്ന സ്കോറാണ് 29 ഓവറിൽ നേടിയത്.
അനസ് നസീര് 52 റൺസും അക്ഷയ് മനോഹര് 50 റൺസും നേടിയപ്പോള് ഓപ്പണര് രാഹുല് ദേവ് 13 പന്തിൽ നിന്ന് 25 റൺസ് നേടി മികച്ച തുടക്കമാണ് നൽകിയത്. അത്രേയയ്ക്ക് വേണ്ടി ആദിത്യ ബൈജു 4 വിക്കറ്റും ജോഫിന് ജോസ് 2 വിക്കറ്റും നേടി.
മറുപടി ബാറ്റിംഗിനിറങ്ങിയ അത്രേയ 23.3 ഓവറിൽ 4 വിക്കറ്റ് നഷ്ടത്തിൽ ലക്ഷ്യം മറികടന്നു. 37 റൺസുമായി പുറത്താകാതെ നിന്ന അക്ഷയ് ടികെ ടീമിന്റെ ടോപ് സ്കോറര് ആയപ്പോള് ഉജ്വൽ കൃഷ്ണ 35 റൺസും ജോഫിന് ജോസ് 27 റൺസും നേടി. 33 റൺസ് നേടിയ റോജിത് ആണ് മറ്റൊരു പ്രധാന സ്കോറര്.
പ്രതിഭയുടെ മിഥുന് പികെ 3 വിക്കറ്റ് നേടിയെങ്കിലും മറ്റ് ബൗളര്മാരിൽ നിന്ന് ശ്രദ്ധേയമായ പ്രകടനം പുറത്ത് വരാതിരുന്നത് പ്രതിഭയ്ക്ക് തിരിച്ചടിയായി. 2 വിക്കറ്റും 27 റൺസും നേടിയ ജോഫിന് ജോസ് ആണ് കളിയിലെ താരം.