സെലസ്റ്റിയൽ ട്രോഫിയിൽ 128 റൺസിന്റെ വമ്പന്‍ വിജയം നേടി സീറോസ്. ഇന്ന് സെലസ്റ്റിയൽ ട്രോഫിയുടെ ഭാഗമായി തുമ്പ സെയിന്റ് സേവിയേഴ്സ് കെസിഎ ഗ്രൗണ്ടിൽ നടന്ന മത്സരത്തിൽ എക്സിക്യൂട്ടീവ് സിസിയെ ആണ് സീറോസ് പരാജയപ്പെടുത്തിയത്.
ആദ്യം ബാറ്റ് ചെയ്ത സീറോസ് 30 ഓവറിൽ 211 റൺസിന് ഓള്‍ഔട്ട് ആയപ്പോള്‍ 20 ഓവര്‍ മാത്രമാണ് എക്സിക്യൂട്ടീവ് സിസിയുടെ ഇന്നിംഗ്സ് നീണ്ട് നിന്നത്. ടീം 83 റൺസിനാണ് ഓള്‍ഔട്ട് ആയത്.
ആദ്യം ബാറ്റ് ചെയ്ത സീറോസ് അമൽ ചന്ദ്(102), സ്മിത് ജെയിംസ്(52) എന്നിവരുടെ ബാറ്റിംഗ് മികവിലാണ് 211 റൺസ് നേടിയത്. എക്സിക്യൂട്ടീവ് സിസിയ്ക്കായി അജിത് കുമാറും അഭിജിത്ത് എസ്ജെയും 4 വീതം വിക്കറ്റ് നേടി.
സീറോസ് ബൗളിംഗിൽ 5 വിക്കറ്റുമായി അമൽ മോഹനും 3 വിക്കറ്റ് നേടി ജുനൈദും കസറിയപ്പോള്‍ 20 ഓവറിൽ 83 റൺസിന് എക്സിക്യൂട്ടീവ് സിസി ഓള്‍ഔട്ടായി. 27 റൺസ് നേടിയ അഭിജിത്ത് കഴിഞ്ഞാൽ ടീമിനായി ഏറ്റവും അധികം റൺസ് വന്നത് എക്സ്ട്രാസ് രൂപത്തിലാണ്.
