ദേശീയ ടീമിലേക്കുള്ള തന്റെ തിരിച്ചുവരവിനു അടിസ്ഥാനമാകുക ബംഗ്ലാദേശ് പ്രീമിയര് ലീഗിലെ പ്രകടനമാകുമെന്ന് പറഞ്ഞ് വിലക്കപ്പെട്ട താരം സബ്ബിര് റഹ്മാന്. അച്ചടക്ക നടപടികളെത്തുടര്ന്ന് അന്താരാഷ്ട്ര ക്രിക്കറ്റില് നിന്ന് വിലക്ക് ഏര്പ്പെടുത്തിയിട്ടുള്ള താരം തന്റെ തിരിച്ചുവരവിനായുള്ള ശ്രമങ്ങള്ക്കായുള്ള കാത്തിരിപ്പിലാണ്. ടൂര്ണ്ണമെന്റില് അവിശ്വസനീയമായ പ്രകടനം പുറത്തെടുത്താല് തനിക്ക് തിരികെ ദേശീയ ടീമിലെത്താമെന്നുള്ള പ്രതീക്ഷയാണ് താരത്തിനുള്ളത്.
ലോകകപ്പിനെക്കുറിച്ചല്ല താന് ഇപ്പോള് ചിന്തിക്കുന്നത്. അത് വളരെ ദൂരെയുള്ള ടൂര്ണ്ണമെന്റാണ്. കൈയ്യകലത്തിലുള്ള ബിപിഎല് പ്രകടനം മെച്ചപ്പെടുത്തുക എന്നതാണ് തന്റെ ഇപ്പോളത്തെ ലക്ഷ്യം. മുമ്പുള്ള അച്ചടക്കപരമായ പ്രശ്നങ്ങളില് താന് ഇനി ഏര്പ്പെടുകയില്ലെന്നും സബ്ബിര് റഹ്മാന് അഭിപ്രായപ്പെട്ടു.
