ബിഗ് ബാഷിൽ തങ്ങളുടെ ആധിപത്യം തുടര്ന്ന് പെര്ത്ത് സ്കോര്ച്ചേഴ്സ്. നിലവിലെ ചാമ്പ്യന്മാരായ പെര്ത്ത് ഇത്തവണ ബ്രിസ്ബെയിന് ഹീറ്റിനെതിരെ അവസാന ഓവറിലാണ് അഞ്ച് വിക്കറ്റ് വിജയം നേടിയത്.
ആദ്യം ബാറ്റ് ചെയ്ത ബ്രിസ്ബെയിന് 175/7 എന്ന സ്കോര് നേടിയപ്പോള് 41 റൺസ് നേടിയ മക്സ്വീനി, മാക്സ് ബ്രയന്റ്(14 പന്തിൽ 31), ഹീസലെറ്റ്(34), ജോഷ് ബ്രൗൺ(12 പന്തിൽ 25), സാം ഹെയിന്(21*) എന്നിവരാണ് റൺസ് കണ്ടെത്തിയത്. ഒരു ഘട്ടത്തിൽ ഹീറ്റ് 104/1 എന്ന നിലയിലായിരുന്നു. അതിന് ശേഷമാണ് മികച്ച ബൗളിംഗുമായി സ്കോര്ച്ചേഴ്സ് മത്സരത്തിലേക്ക് തിരികെ വന്നത്.
32 പന്തിൽ 53 റൺസ് നേടിയ ആഷ്ടൺ ടര്ണറിന് പിന്തുണയായി നിക് ഹോബ്സൺ(7 പന്തിൽ പുറത്താകാതെ 18), കൂപ്പര് കോണ്ണലി(11 പന്തിൽ പുറത്താകാതെ 25) എന്നിവര് തിളങ്ങിയപ്പോള് 19.2 ഓവറിൽ 5 വിക്കറ്റ് നഷ്ടത്തിൽ 178 റൺസ് നേടി പെര്ത്ത് അഞ്ചാം ബിഗ് ബാഷ് കിരീടം സ്വന്തമാക്കുകയായിരുന്നു.