ഇന്ത്യയും വിന്‍ഡീസും തമ്മിലുള്ള പരിമിത ഓവര്‍ പരമ്പരയിലെ വേദികള്‍ പുതുക്കി ബിസിസിഐ. ഏകദിന മത്സരങ്ങള്‍ അഹമ്മദാബാദിലും ടി20 മത്സരങ്ങള്‍ കൊല്‍ക്കത്തയിലും നടത്തുവാനാണ് ബിസിസിഐ തീരുമാനിച്ചിരിക്കുന്നത്.
ഇന്ത്യയിലെ വര്‍ദ്ധിച്ച് വരുന്ന കോവിഡ് സാഹചര്യം പരിഗണിച്ചാണ് ഈ തീരുമാനം. നേരത്തെ ഈ വേദികളെ കൂടാതെ തിരുവനന്തപുരം, കാന്‍പൂര്‍, വിശാഖപട്ടണം, കട്ടക് എന്നിവിടങ്ങളിലായിരുന്നു മത്സരം നടത്തുവാനിരുന്നത്.
ഫെബ്രുവരി 6, 9, 11 തീയ്യതികളില്‍ ഏകദിനങ്ങളും ഫെബ്രുവരി 16, 18, 20 തീയ്യതികളില്‍ ടി20 മത്സരവും നടക്കും.
