രണ്ടാം ഏകദിനത്തിൽ ബംഗ്ലാദേശിനെ തകർത്ത് അഫ്ഗാനിസ്താൻ. ഇന്ന് 142 റൺസിന്റെ വിജയമാണ് അഫ്ഗാൻ നേടിയത്. ആദ്യം ബാറ്റു ചെയ്ത അഫ്ഗാൻ 50 ഓവറിൽ 9 വിക്കറ്റ് നഷ്ടത്തിൽ 331 റൺസ് എടുത്തിരുന്നു ഓപ്പണർ ഗുർബാസും സദ്രാനും നേടിയ സെഞ്ച്വറികൾ ആണ് അഫ്ഗാനെ വലിയ സ്കോറിലേക്ക് കൊണ്ടു പോയത്.
ഗുർബാസ് 125 പന്തിൽ നിന്ന് 145 റൺസ് എടുത്തു. 8 സിക്സും 13 ഫോറും അടങ്ങുന്നതായിരുന്നു താരത്തിന്റെ ഇന്നിംഗ്സ്. സദ്രാൻ 119 പന്തിൽ നിന്ന് 100 റൺസും എടുത്തു. ഒരു സിക്സും 9 ഫോറും താരം അടിച്ചു. ഇവരെ കൂടെ 15 പന്തിൽ നിന്ന് 25 റൺസ് അടിച്ച് നബിയും തിളങ്ങി.
മറുപടി ബാറ്റിങിന് ഇറങ്ങിയ ബംഗ്ലാദേശിന് തുടക്കം മുതൽ പിഴച്ചു. 72-7 എന്ന നിലയിൽ അവർ പതറിയിരുന്നു. 69 റൺസ് എടുത്ത മുഷ്ഫിഖുർ റഹീം ആണ് ബംഗ്ലാദേശ് നിരയിൽ ആകെ തിളങ്ങിയത്. അവരുടെ ഇന്നിംഗ്സ് 189 റൺസിൽ അവസാനിച്ചു. അഫ്ഘാനായി മുഷ്ഫിഖുർ റഹീമും ഫസലാഖുനുൻ 3 വിക്കറ്റ് വീഴ്ത്തി. റാഷിദ് 2 വിക്കറ്റും വീഴ്ത്തി. ഈ വിജയത്തോടെ അഫ്ഘാൻ പരമ്പര 2-0ന് മുന്നിലായി.
